კახური ჩურჩხელა

2.60

ჩურჩხელა ქართველებისთვის ერთგვარი ეროვნული სიამაყეა და მსოფლიოში ანალოგი თითქმის არ აქვს.ის ნატურალური დესერტია სადღესასწაულო სუფრებისთვის.
მევენახეობისა და მეღვინეობის ქვეყანაში,ღვინის დამზადების პარალელურად,თათარისა და ჩურჩხელის დამზადებასაც დიდი ხნის ისტორია აქვს.
საქართველოში ჩურჩხელას კახური,ქართლური,იმერული,გურული და რაჭა-ლეჩხუმური წესებით ამზადებენ.

კატეგორია

პროდუქტის აღწერა

კახური ჩურჩხელა განსხვავდება სხვა კუთხეებში გაკეთებული ჩურჩხელებისგან,რადგან ბადაგი განსაკუთრებით ტკბილია და მას ფქვილს „უკიდებენ“.
ქართლური და კახური ჩურჩხელა მსგავსი ტექნოლოგიით მზადდება,თუმცა კახური ქართლურზე მუქი ფერისაა და უფრო სქელი ფენის თათარაშია ამოვლებული.
დასავლეთ საქართველოში ჩურჩხელას უფრო „ჯანჯუხს“ უწოდებენ, ყურძნის წვენს კი, არა ბადაგს, არამედ „ტკბილს“,რომელიც გამჭვირვალე ფერს ინარჩუნებს.მას ისე დიდხანს არ ადუღებენ,როგორც აღმოსავლეთ საქართველოში.ყურძნის წვენს ცოტა მომჟავო გემო დაჰკრავს,რაც გამოწვეულია ყურძნის ჯიშების სხვაობისგან.მომზადების პროცესში მას სიმინდის ფქვილს ურევენ.გურიაში კი ცოტაოდენ თაფლსაც ამატებენ,რათა ჯანჯუხა უფრო რბილი გამოვიდეს.
ჩურჩხელა შეიძლება დამზადდეს თხილის, ნიგვზის,ნუშის,გოგრის თესლის,სხვადასხვა ხილის ჩირის შემადგენლობით.
ჩურჩხელაც და თათარაც მაღალი ენერგეტიკული ღირებულება აქვს და საკმაოდ კალორიულია.კარგად ნახარში ყურძნის წვენი,რომლისგანაც თათარა მზადდება,დიდი რაოდენობით შეიცავს ანტიოქსიდანტებს,რომლებიც ორგანიზმიდან მომწამვლელ ნივთიერებებს გამოდევნიან.მასში ბევრი სასარგებლო ნივთიერებაა,შედის B ჯგუფის ვიტამინები, მდიდარია კალიუმით, რკინით, ფოსფორით.იგი ხელს უწყობს ნივთიერებათა ცვლას და გულის კუნთის მუშაობას.ნიგოზი კი დადებითად მოქმედებს ტვინის მუშაობაზე.
ვინაიდან ჩურჩხელა ყურძნის წვენისგან მზადდება,გლუკოზა მასში დიდი რაოდენობით შედის,ამიტომ უნდა მოერიდონ დიაბეტით დავაადებულები და ისინი ვისაც ჭარბი წონა აწუხებს.
შენახვის კარგ პირობებში,ეს გემრიელი ქართული ნუგბარი საკუთარ გემოს თითქმის წლიდან წლამდე უცვლელად ინარჩუნებს.ამისათვის კი საჭიროა,როგორც თათარის მოხარშვისა და ნიგვზის შერჩევის,ასევე უკვე ამოვლებული და გამშრალი ჩურჩხელის შენახვის წესების ზედმიწევნით ცოდნა.
რჩევის სახით შეიძლება ითქვას,რომ ჩურჩხელა დამზადების შემდეგ მეორე მესამე დღეს ოდნავ უნდა დაინამოს ბადაგით,რომ შეინარჩუნოს სირბილე და კარგად დაიშაქროს.
დაახლოებით 2 კვირაში ჩურჩხელა მთლიანად შრება.მას ინახავენ გრილ და მშრალ ადგილას.უმჯობესია გავახვიოთ ბამბის ქსოვილში და შემდეგ ცელოფანში.
მომზადების წესი:
ყურძენს რომ დაწურავენ, ამოიღებენ მაშინვე წვენს და გადაწურავენ, შემდეგ დადგამენ ცეცხლზე და ადუღებენ კარგად, თან უნდა მოხადონ ქაფი დუღილის დროს. კარგად ადუღებენ ისე, რომ ნახევარი დარჩეს. გააჩერებენ. ესაა ბადაგი, რომელიც არ
ფუჭდება, რამდენიმე დღეც რომ იყოს და მერეღა აკეთებენ თათარას… 1 ლიტრა ბადაგზე 2 ღვინის ჭიქა ფქვილი უნდა, კარგად გახსნიან ერთმანეთში და დადგამენ ცეცხლზე. თან გამუდმებით უნდა ურიონ. ნელ-ნელა გასქელდება. კარგად სჭირდება ამორევა, რომ არ მიიწვას.
ნელ-ნელა გასქელდება და შესქელებული ცოტა დაბალ ცეცხლზე უნდა მოიშუშოს, ფქვილის გემო რომ არ ჰქონდეს… ბუშტები უნდა გაუჩნდეს დუღილის დროს… კარგად უნდა მორევა დუღილის დროსაც …
შემდეგ უკვე გამზადებულ ასხმულ ჩურჩხელებს ამოავლებენ ცხელ-ცხელ თათარაში.
გაშრობას დაახლოებით ერთი კვირა სჭირდება. სიცივეში და ქარში არ აშრობენ.
თუ ჩურჩხელა დამსკდარია, დუღილი აკლია ბადაგს…

მიმოხილვა

მიმოხილვები ჯერ არ არის.

იყავით პირველი შემფასებელი: „კახური ჩურჩხელა“

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

0